Қамысты ауданының кіреберіс жолдарына қоғамдық қауіпсіздікті арттыру және құқықбұзушылықтардың алдын алу мақсатында 25 бейнебақылау камерасы орнатылуда.
Бұл жобаны жүзеге асыруға аудан бюджетінен 18 миллион теңге көлемінде қаржы бөлінді.
Жаңа бейнебақылау жүйесі заманауи талаптарға толықтай сай. Бұған дейін пайдаланылған камералардың техникалық мүмкіндіктері шектеулі болғандықтан, олар арқылы нақты бақылау жүргізу қиынға соғатын. Ал жаңадан орнатылып жатқан құрылғылар жоғары сапалы бейнежазбалар түсіруге мүмкіндік береді және олар жол қозғалысы ережесінің бұзылуы, рұқсатсыз қоқыс тастау, сондай-ақ қоғамдық тәртіпті бұзу жағдайларын нақты бақылауға алады.
Камералардан түсетін бейнематериалдар полиция бөлімінің кезекшілік қызметіне автоматты түрде жолданып отырады. Бұл тәртіп бұзушылықтарға жедел әрекет етуге және құқық қорғау органдарының жұмысын тиімді жүргізуге жол ашады.
Қамысты селолық округі әкімінің сектор меңгерушісі Әмір Итқұзовтың айтуынша, қазіргі таңда бейнебақылау жүйесін орнату жұмыстары белсенді түрде жүріп жатыр. Жоба толығымен аяқталған соң, аудан орталығы мен кіреберіс жолдардағы қауіпсіздік деңгейі едәуір артады деп күтілуде.
Жергілікті билік өкілдері тұрғындарды тәртіпті сақтауға және қоғамдық қауіпсіздікке ортақ жауапкершілікпен қарауға шақырады.
Шұға ҚОҢҚАБАЙ
Историями поделились зрители YouTube-канала «Другие места». (далее…)
Елдің ықыласына бөленген игі істер – қоғамдағы адамгершілік пен жанашырлықтың жарқын көрінісі. (далее…)
В Камыстинском районе подвели итоги конкурса видеороликов и короткометражных фильмов на тему «Таза Қазақстан». Всего…
Облыс әкімдігінде өткен жиында өңірдің 9 айдағы әлеуметтік-экономикалық даму қорытындылары қаралып, ауыл шаруашылығы саласын дамыту…
Қамысты ауданында экономиканы әртараптандыру, ауыл шаруашылығы саласын дамыту және жаңа жұмыс орындарын ашу бағытындағы жұмыстар…
Его участники собираются, чтобы практиковать казахский язык в непринуждённой обстановке, учиться строить диалоги и увереннее…
This website uses cookies.