Қамысты аудандық мәдениет үйі жанынан құрылған «Жайылма» халық театры көрерменге жаңа туындысын ұсынбақ. 24 сәуір күні мәдениет үйінің сахнасында Л.Егембердиева жазған «Көресіңді көрмей…» атты екі актілі мелодраманың премьерасы өтеді.
ҚР Жазушылар одағының мүшесі, драматург жазушы Ләззат Егембердиеваның қаламынан туған бұл шығарма бүгінгі күннің өзекті тақырыбына арналған. Қойылымда ата-ана мен бала арасындағы байланыс, ішімдікке салынған ұл мен келіннің анаға жасаған қиянаты, отбасылық қарым-қатынастың күрделілігі бейнеленеді.
Тың игеру жылдарының куәгері Ақдидар ананың өмірі арқылы аналық махаббат, кешірім мен үмітке толы тағдыр көрініс табады. Тағдырдың талай тауқыметін көрген ана қаладағы үлкен ұлы мен келінінің қамқорлығы арқылы қайта өмірге құштарлана түседі. Қойылымда сондай-ақ кеңестік кезеңнің тарихи сәттері де шебер көрініс тапқан.
Аудан әкімшілігінің қолдауымен театр ұжымына қосымша штат бөлініп, шығармашылық жұмысқа тың серпін берілді. Театрдың көркемдік жетекшісі – Еркебұлан Кәрімұлы.
Қойылым кешкі сағат 19:00-де басталады. Барша аудан тұрғындарын тағылымы мол туындыны тамашалауға шақырамыз.
Шұға ҚОҢҚАБАЙ
Қамысты ауданында күзгі жиын-терім науқаны қарқынды жүргізілуде. (далее…)
В селе Алтынсарино действует уникальный музей, который содержит не только предметы, но и раритетную автотехнику.…
Қамысты аудандық ауруханасы күрделі жөндеуден өтіп, заманауи талаптарға сай жаңартылды. Алайда медициналық мекеменің басты мәселесі…
Ұстаздар күні қарсаңында Жайылма негізгі орта мектебінің директоры, тәжірибелі педагог, ұлағатты ұстаз – Нұрлан Кәрімжанұлы…
Биыл Қамыстыда ауыл тұрғындарының өмір сапасын жақсарту мақсатында ауқымды құрылыс және абаттандыру жұмыстары жүзеге асырылды.…
Житель села Камысты Ербулат Клышпаев посвятил сфере газовой и нефтяной промышленности 14 лет своей трудовой…
This website uses cookies.