Бүгінгі қоғамда жерлеу рәсімдерін өткізу кезінде қайғылы отбасы көп шығындарға ұшырайтыны жиі айтылып та, жазылып та жүр.
Әсіресе, ас беруге жұмсалатын рәсуа шаш етектен. Дүниеден өткен жақынын ақтық сапарға жөнелтуді біреулер астатөк жиынға ұластырып жіберсе, бұл жайт жағдайы жоқтарға өте ауыр тиіп отыр. Ащы да болса, бұл – ақиқат.
Бұл мәселе өңірімізде өткен алқалы жиында кеңінен талқыланды. Қазақстан мұсылмандары діни басқармасының Қостанай облысы бойынша өкілдігінде «Аймағанбет қажы Спанұлы» мешітінде «Дін мен дәстүр: ысырапшылдықтың алдын алу» тақырыбында облыстық конференция өтті. Қаралған мәселелер қоғамда өзекті әрі маңызды, себебі бұл басқосу артық шығындардың алдын алуға және ысырапшылдықты болдырмауға бағытталған.
Іс-шараның қорытындысы бойынша бірнеше маңызды шешімдер қабылданды.
Осы орайда біз «Қарабатыр жәми мешітінің» имамы Ербол қажы Маратұлының пікірін ұсынып отырмыз.
«Шариғатта адам өлгеннен кейін үш нәрсе ғана парыз деп жазылған: біріншіден, денені жуу, екіншіден, арнайы дұға оқу, үшіншіден, мәйітті тез жерлеу. Қалғаны негізінен міндеттемеден туындайды. Осы үш шарттан басқа шариғат ешқандай талап қоймайды. Жеті күн, қырық күн, жылдық асы, т.б. Марқұмды жерлегенге дейін сол күні туысқандарға, туыс шақырғысы келетіндерге дастархан жаю деген талап жоқ. Барлық бейсенбілерді қырық күнге дейін өткізу парыз емес. Мұның айналасында дүрбелең тудырудың қажеті жоқ. Бұл толқуды қазір түрлі мекемелерде Құран оқудың қалыпты жағдайға айналуымен байланыстыруға болады. Бұл үлкен ысырап болып саналады. Мұндай іс-шараның мекемеде болып жатқанымен келісеміз делік. Бірақ сіз отырып, осы мекемеге Құран оқитын, негізінен, қатысатын ананы шақырсаңыз, қонақтарға көп сөйлесуге мүмкіндік бермеу керек. Бұл адам туралы тек жақсы сөздер айтатын ең жақын адамдардан бірнешеу болғаны абзал. Және бұл кісінің қандай адам болғанын айтып береді. Өз басым, тәжірибемде жаназа, қырық күн немесе бір жыл болып, марқұмның тәрбиесіне тұрарлықтай болып көрінген түрлі әңгімелер көптеп кездеседі. Мысалы, оның тәртіпсіз мінез-құлқына немесе мас болуына немесе кейбір күлкілі ұят оқиғаларына қатысты. Мұндай нәрседен аулақ болу керек».
Шұға ҚОҢҚАБАЙ
В газетном проекте «Читающий район» мы расскажем вам о людях, которые находят время для…
С 4 по 6 апреля в городе Костанае завершился чемпионат Костанайской области по волейболу среди…
Районная газета знакомит вас с земляками, увлекающимися чтением в рамках рубрики «Читающий район». (далее…)
Образовательное учреждение села Камысты было введено в эксплуатацию в 1978 году. (далее…)
1 сәуір – Халықаралық құстар күні. Осыған орай, Краснооктябрь жалпы білім беретін мектебінде ерекше шара…
Биыл Ұлы Жеңістің 80 жылдығы елімізде кең көлемде аталып өтеді. (далее…)
This website uses cookies.