«Шебердің қолы алтын» деген қазақта керемет тәмсіл бар. Бұл мәтелдің мәні – әрбір істі ерекше шеберлікпен, іскерлікпен атқарған адамның қолы алтынға бағаланатынын білдірсе керек.
Осы қолөнердің қыр-сырын меңгеріп, оны жаңа заманға бейімдеп, жас ұрпаққа жеткізіп жүрген шеберлердің еңбегі ешқашан ұмытылмайды. Мұндай шеберлердің бірі – Жайылма ауылында тұратын – Айнұр Ахметова.
Айнұр Ахметова – Жайылма негізгі мектебінің шағын орталығында тәрбиеші болып жұмыс істейді. Бірақ оның негізгі кәсібі – қолөнер. Қолы бос кезде, қолөнерге деген қызығушылығы мен махаббаты оны шығармашылыққа баулиды. Өмірінің әр сәті қолөнермен тығыз байланысты. Бүгінгі таңда оның қолынан шыққан әшекей бұйымдар мен ұлттық ою-өрнектер көздің жауын алады. Айнұрдың шығармашылығы өз ауылында кеңінен таныс.
Айнұрдың қолөнерге деген қызығушылығы бала кезінен басталған. Кішкентай кезінде әжесінің тіккен көрпелері мен жасаған ою-өрнектеріне қызығып, олардың әдемілігін бағалайтын.
«Кішкентай кезімде әжемнің жасаған ою-өрнектеріне, тіккен көрпелеріне сүйсініп қарайтынмын. Сол кезде инені-жіпті серік ете бастадым. Тігуді бала жасымнан қызыға бастадым. Әжемнің қасына отырып, көмек беріп жүріп, шеберлікті үйрендім», – дейді Айнұр.
Бұл оның қолөнерге деген сүйіспеншілігін қалыптастырып, өнерді өмірлік хоббиіне айналдырған алғашқы қадамдар болды.
Айнұрдың қолөнерге деген қызығушылығы әжесінен дарыған, сол кісінің сабақтарынан шабыт алып, кейін өзі де осы жолды таңдаған. Әжемнің көрпелеріне қарап, оның жасайтын ою-өрнектеріне таң қалып, сол оюларды үйренуге ынтық болған Айнұрдың өз қолынан шыққан жұмыстар да осы ою-өрнектердің әсемдігін сақтай отырып, заманға сай жаңа бояулармен өрнектеліп келеді.
Айнұр қолөнермен айналысуды алғаш рет 20 жасында қолға алған. Оның алғашқы туындысы – шәй көрпе болды. Шәй көрпе – қазақ халқының тұрмысында қолданылатын дәстүрлі бұйымдардың бірі. Ол әсемдігімен ғана емес, өте практикалық та болып келеді. Әрбір бұйымды тігу кезінде Айнұр түрлі өрнектер мен ою-өрнектерді қосып, бұйымдарды ерекше сәнді етіп шығарады.
Айнұрдың тігуге деген шексіз махаббаты мен шығармашылық әлеуеті оны әрдайым жаңа туындылар жасауға итермелейді.
«Қарапайымдылық мені ұнатады. Іс тіккенде, ойым бөлінеді, тек қана шығармашылыққа шоғырланамын», – дейді ол.
Бүгінде Айнұр тек қана көрпелер мен дорбаларды тігіп қана қоймай, қазақы киімдер, ұлттық бас киімдер, төбетейлер, сәукелелер, қазақтың дәстүрлі ер және қыз балаларына арналған киімдер сияқты сан алуан бұйымдар жасаумен айналысады. Ол тек қолөнермен айналысып қана қоймай, қазақ халқының мәдени мұрасын жаңғыртып, жас ұрпаққа ұсынуға талпынып келеді.
Бір қызығы, Айнұрдың қолынан шыққан қолөнер туындыларын көрген таныстары еңбегін көріп қатты қызығып, тамашалайды екен. Тіпті оларға өз қолынан әшекей бұйымдар жасап береді. Олардың ыстық ықыласы оған шабыт сыйлайтын көрінеді. Сол себептен болар, ою-өрнектері, әшекей бұйымдары сәтті болып шығатыны.
Шұға ҚОҢҚАБАЙ
30 маусым күні Қамысты ауданында ұлттық рухты жаңғыртуға арналған «Бабалар ізімен» мәдени жобасы ресми түрде…
Бұл – Мемлекет басшысы Қасым-Жомарт Тоқаевтың «Қолжетімді әрі сапалы тұрғын үй – әрбір қазақстандық отбасының…
Новый объект социальной значимости подарили аркинцам депутаты Камыстинского районного маслихата. Это стало ответом на просьбы…
В летние месяцы для них организована кружковая деятельность при Детской музыкальной школе. (далее…)
В селе Камысты строят новые двухквартирные жилые дома, современный физкультурно-оздоровительный комплекс, проводится капитальный ремонт Камыстинской…
В это число вошли неиспользуемые по назначению участки. (далее…)
This website uses cookies.