Главные новости Камыстинского района – Qostanai Media

-Іс-шараның басты мақсаты – жасөспірімдер арасындағы қылмысты ескерту және оның алдын алу, оның ішінде білім беру ұйымдарының оқушылары арасындағы құқық бұзушылықтардың жолын кесу, кәмелетке толмағандардың құқықтарын қорғау саласындағы әкімшілік құқық бұзушылықтарды анықтау, олардың құқықтық сауаттылығын арттыру, сондай-ақ балаларға қатысты қылмыстық қол сұғушылықтардың алдын алу болып табылады, – дейді Қамысты аудандық полиция бөлімінің жергілікті полиция қызметі бөлімшесінің әйелдерді тұрмыстық зорлық-зомбылықтан қорғау тобының инспекторы Индира Жарбулова.

-Қазіргі таңда мектептерде инспекторлар бар. Олардың қасында оқушылардан құралған жас полиция көмекшілері бар. Жасөспірімдер арасындағы қылмыстардың алдын алу үшін бұл отрядтар елеулі жұмыстар атқарып келеді. Мысалы, мектепте темекі шегу, арақ ішу, әлімжеттік сияқты құқықбұзушылықтарды жас полиция көмекшілері мектеп инспекторына жедел баяндап отырады. Қылмыстың алдын алу үшін де түрлі шараларды жүзеге асырудамыз, – дейді Қамысты аудандық №2 жалпы білім беретін мектеп директорының әдістемелік жұмыс жөніндегі орынбасары Ақбөбек Жеңісхан.

-Бұл шаралар жасөспірімдер арасындағы қылмыстық істердің алдын алуда маңызды. Әсіресе, жаңа оқу жылы басталғанда бұған қатты қарауымыз керек. Бұл кәмелетке толмағандарға ішімдіктер, темекі өнімдерін сату фактілерін анықтауға, түнгі уақыттарда заңды өкілдерінсіз ойын-сауық орындарында жүруін болдырмауға септігін тигізеді. Жасөспірімдердің ата-аналарымен, ұстаздарымен де бірлесе жұмыс жасауға тырысамыз. Жаңа оқу жылы басталғалы орта мектептер ұжымымен де тығыз байланыс орната бастадық, – дейді Индира Жарбулова.